الحب في الحلال
جزء 21 من 33
الفصل العشرون
الفصل العشرون الحب في الحلال 💞
بقلم / ندى عمرو
فكرة / ملك
كان يقف سليم خطيب ساره ، و بجانبه ابن خالته سليم خطيب زينب ، و معهم ادم بتأكيد ، و كريم يقف ايضاً معهم .
هبطت الفتيات بعد تجهيز العروسين ، و ارتفعت الزغريط و هم يهبطون الدرج .
ما أن استمع ادم الي أن الصوت اصبح عالي ، حتى اقترب من باب الكوافير ؛ رآها و هي تهبط و كأنها بدر و قد أنار ، اقتربت منه و هي تبتسم في خجل من نظراته .... تقدم منها و امسك يدها ، لا يشعر بمن حوله ينظر إلي حلاله فقط ... قال بعد أن طال الصمت :- رُفَعُة عيني عليكي ظننت أنني انظر للسماء ، و لكني ايقنت انك اجمل حين رايتك خاليه من الذنوب ، أُحبك .
ابتسمت بخجل و وضعت راسها في كتفه .
بينما ضربت سارة كتف سليم و هي تقول :- شوف الواد ادم عمل ايه ؟ اتعلم .
نظر لها سليم بغيظ و مسكها من الفستان من الخلف و قال :- طب يلا يا ختي بدل مكتب عليكي و امشي من هنا ، بلا فرح بلا زفت .
ركبت السيارة بجانبه ، و هي تقول بغيظ :- يا شيخ تباً لك .
قال بصوت حاد :- بجد تباً لي ؟ ده انا دافع في الفرح انا و الواد الغلبان ده ( يشير على آدم ) فوق 60 الف ده طبعاً غير الفستان اللي مكلفني 20الف جنيه لا لا ده انا هتشل بسبب المكياچ يعني ايه مكياچ بـ10تلاف جنيه ها ؟ يعني ايه فهمني .... و الله يا سارة انا جيب بتاعك التشطيب اخد مني 20الف في الشقة كلها ، يعني انتي وشك واقف عليا بنص تشطيب الشقة .
صرخت بيه سارة :- بس قصدك ايه قصدك أنه خساره فيا ؟ ها قول قصدك أنه خساره فيا .
قال سليم :- لا ما انا مش دافع كل المصاريف دي عشان في الاخر تنكدي عليا ، أقسم بالله هعمل معاكي حركة تندمك .
قالت سارة و هي ترفع حاجبها :- و حركة ايه دي بقى اللي عايزها تخليني اندم .
قال سليم :- زي دي .
قالها و هو يدفع في وجهها الماء .
ابتسمت سارة و أمسكت بعض المنديل و امسحت قطرات الماء ، بينما المكياچ لم يتأثر قد .
نظر لها سليم بفم مفتوح ، و صدمه فقال و هو يقود السيارة :- ايه ده ؟ ايه اللي حصل ده ؟
قالت سارة و هي تبتسم بخبث:- المكياج مش بيطلع بالميه .
قال بصوت عالي :- ااااه هو ده المكياج اللي بيتقال عليه ضد المياه ضد النار ضد الحشرة ضد الفار ؟
قالت سارة بضحكه بسيطة :- هو بغبوتوا .
ضم كتفها إليه و هو يقول :- و الله بحبك يا بت العبيطه .
تنحنحت والدة سارة و هي تقول :- العبيطة اعده وراء يا بن الورمه .
ضحكت سارة بينما قال سليم بحرج :- اسف يا طنط و الله مخدتش بالي .
__________
ركب ادم مع شروق و قال :- الواحد مش هيبقى عارف يفرق بينك و بين الاقمر .
قالت شروق :- مش للدراجاتي يا ادم .
قال ادم بحب :- طب و عهد الله انا مستخسر اخلي الناس المعفنه اللي في الفرح تشوفك .
ضحكت شروق باعلى صوت .
فقال :- العب يا مدلع .
زادت ضحكت شروق ؛ فقال ادم بابتسامه :- شكلها هتبقى ليلا فل اوي .
قالت شروق بضحك :- لا انت مش معقول .
قال ادم بجد بعد أن وقف أمام القاعة ، و راء ابيها :- بقولك ايه ؟ اسكتي مش عايز حد يسمع ضحكتك دي .
نظرت له فقالت :- تمام .
فقال بهدوء و هو يمسك يدها :- يلا عشان هندخل سواء .
قالت بستغراب :- لا طبعاً أنا هدخل مع بابا ده الطبيعي .
قال ادم :- انتي مراتي انا .
قالت شروق بستغراب :- ما ده طبيعي اني ابقى مراتك انت ، لكن ده ابويا انا و ليه الحق أنه يوصيك عليا .
قال و هو يفتح الباب و يهبط منها :- انا هخليه يوصيني دلوقتي ، من غير ما يجي جنبك .
تركها و توجه نحو والدها ، بينما هي كانت تجلس في السياره تنظر له بستغراب ودهشه .
تقدم منها و هو غاضب و قال :- انزلي خلي بابا يوصلك ليا يا ختي .
قالت و هي تضحك :- ايه شغل العيال ده ؟
تقدم منها الاب و امسك يدها ثم ضمها إليه و قال :- هتوحشيني يا بت الكلب .
قالت شروق :- يوو يا بابا بقى هو انت لازم تشتم .
قال الاب :- طب يلا عشان ادخلك و سلمك لـجوزك النطع ده .
_______________
في القاعة كانت ملك و زينب و هاجر يقفون ينتظرون وصول العروسين الي أن دلفت شروق في يد ابيها بينما سارة تمسك يد أخيها الكبير ، بعد أن أصر أن يدلف بها هو و ليس أبيه .
قال اخ سارة الي سليم بعد أن ضمه و ربط على كتفه :- دي اختي الوحيده ، لو حسيت انك زعلتها في يوم ..
اقترب من أذنه ثم قال :- هفشخك .
ضحك سليم بصخب و هو يسحب عليه سارة و قال :- ده لو عرفت تشوفها تاني .
تركه خلفه و سار نحو الكوشة ، بينما أخيها نظر لهم و ابتسم بسعادة على حب زوج أخته الي أخته .
تقدم الاب من ادم ووضع ابنته في يده و قال :- انا سلمتك جوهرة كانت في بيتي ، اتمنى انك تبقى اد مسؤوليتها و تكون بتحبها و تصونها فعلاً .
ابتسم له ادم و ضمه و قال :- هحافظ عليها اكتر ما كنت بحافظ على عيني ، دي روحي .
____________
كانت تقف زينب خارج القاعة بضيق ، فتقدم منها سليم و هو يقول :- ليه سبتي الفرح و طلعتي برا ؟
قالت زينب بنظرة لوم :- و انت مش عارف ، و لا بتستهبل ؟
قال سليم بستغراب :- مش عارف ايه ؟ و ايه الأسلوب ده ؟! .
قالت زينب بغضب :- مين اللي كنت واقف معاها جوا دي ، لا وعمال تضحك و تهزر ؛ على فكره انا بعرف اضحك و هزر برضوا .
قال بخبث :- يعني مشفناش حاجه من الهزار اللي بتقولي عليه ده ؟
قالت زينب بصوت حاد :- مين اللي كنت واقف معاها دي يا سليم ؟
قال سليم بهدوء و هو يمسك يدها :- دي بنت خالتي اخت ادم .
قالت زينب :- يا سلام و هو ده يديك الحق انك تقف معاها تضحك و سايب خطبتك كدا ؟
ضمها سليم اليه ، فبتعدت عن حضنه بعنف و هي تقول :- انت بتعمل ايه ؟ انت بتستعبط ؟
قال سليم بغضب :- هو فيه ايه مالك مقلوبه كدا ليه ؟
قالت زينب بغضب :- بجد دلوقتي مش عارف انا مديقه ليه ، و لا لقيت غيري و عايز تطلع العيب فيا .
قال سليم بستغراب :- الكلام اللي انتي بتقوليه ده يا زينب ، حاسبي على كلامك .
قالت زينب بغضب :- لا أحاسب و لا اطرح انا هسبهالك مخضرا .
كادت أن ترحل فأمسك يدها و هو يقول :-انتي رايحه فين ؟
قالت زينب :- دخله فرح صحابي و بعد ايدك عني ، لما تبقى تستحقني يبقى تستحق تلمس ايدي غير كدا معنديش .
أعطته ظهرها ، و هي تسير بغضب فقال بصوت عالي :- كل ده عشان غيرانه ؟
وقفت مكانها في صدمه ، أنها تغار ، أنها بالفعل غارت عليه ، لا تود أن يتقرب منه أحد مثلها ، لا تريد أن يتحدث مع اي شخص مثلما يفعل معاها هي ، تلفتت و نظرت له و قالت :- لا عشان بتتعدا حدودك .
اقترب منها أكثر ، و وضع عينه في عينها و اصبح قريب منها للغاية و قال :- اي حدود دي اللي بتتكلمي عليها ، انتي كلك ليا .... يعني مفيش حدود .
اصبحت تتنفس بصعوبه و قالت بصوت منخفض بسبب تلك المشاعر التي هاجمتها :- سليم ابعد شويا .
وضع يده على وسطها و سحبها إليه أكثر و قال و هو ينظر إلي شفايفها.:- و لو مبعتدش .
دفعته بعيد عنها و قالت :- هبعدك انا .
ضمها من ظهرها و قال بجانب أذنها :- بس بتحبيني ، و غيرانه قولي متتكسفيش .
قالت سارة بغضب :- انت شئ خاص بيا انا بس يا سليم ، غيرت و بغير و هغير عليك لاني بحبك ، و مش بحب اشوف بنت قريبا منك زيي .
قال بهدوء :- دي ميراچ اخت سليم و ادم ، و اختي انا كمان لاني خالتي ام ادم رضعتني انا و سليم مع بعض .
تلفتت له و نظرت في عيونه و قالت :- مهما كان متقربش و لا تضحك مع غيري .
قبل جبهتها و قال :- وعد مش هعملها تاني يا قلبي .
ابتسمت له و قالت :- طب يلا ندخل جواء بقى ، و لو بعت عني هطلع عينك .
ضحك بصخب و هو يسير خلفها .
___________
كانت تقف هاجر نحو البوفيه و تضع بيه طعام ؛ وقف كريم خلفها و امسك الطبق التي تضع بيه الطعام و قال :- كدا يا خاينه بتحطي لنفسك انتي بس ، طب انا فين ؟ مش خطيبك انا و لا مش خطيبك .
ابتسمت له و قالت :- بدال انت كـ راجل موجود ، جيب ليا و ليك الاكل انا أعده في التربيزه دي .
تركته و ذهبت نحو الطاولة ، نظر لها بستغراب .
جلست هاجر فتقدم منها شخص و قال :- انتي هاجر .. هاجر الي كانت في مدرسةالـ ***
نظرت له بستغراب فقالت بدهشه و هي تقف :- تامر المرشدي ياخبر .
وضع يده في يدها و هو يسلم عليها بحرارة فقال :- يا بت الايه كل ده غياب .
قالت :- على اساس انك كنت ظاهر اوي ، ما انت برضوا اختفيت فجأة .
بدأت تتحدث معه و تضحك الي أن جلس كريم بجانبها و هو غضبان فقال :- ايه يا هاجر مش تعرفيني ؟
قالت هاجر و هي تشير الي زميل الدراسة :- ده تامر المرشدي زميلنا في مدرسة الاعدادي .
ثم قالت :- ده كريم خطيبي و اخو ملك ، مش ملك اتخطبت لـ ادهم .
قال بستغراب و سعادة :- بجد ، ابن الـ ايه مجبش ليا سيرة و حتا الفرح معزمنيش عليه ، هروح انا اسلم عليه .
ذهب دون أن تقول له هاجر أنه ليس متواجد .
بينما نظر كريم إليها في غضب و قال :- انا كدا مش هعرف المك ؟
قالت هاجر بحزن :- انت شايفني متبعطرا ؟
قال بصوت حاد :- ما مش عارف المك من البوفيهات ، و لا من الزملاء .
ضحكت فقال يغيظ :- متتكلميش مع حد تاني .
قالت هاجر بستغراب :- و ده من ايه .
تحدث بحنان و بدأ يطعمها في فمها و هو يقول :- ده عشان بغير ، و بحبك، و عشان انا راجل مسمحش انك تقفي مع حد غيري .
ابتسمت له بسعادة .
___________
كانت ملك تقف في المرحاض تبكي أمام المرآة ، ثم بدأت تمسح دموعها و هي تسير خارج المرحاض ، و لكن رأت من يدخل و يقفل الباب خلفه نظرت له بستغراب و كادت أن تصرخ فقال :- ملك ... انا تامر .
نظرت ملك له بستغراب قليلاً ، فقالت :- ايه اللي دخلك هنا يا تامر ده حمام البنات .
قال تامر :- اسف هو فين ادهم .
كادت أن تجيب و لكنها انخرطت في البكاء و بدأت تبكي و تشهق .
اقترب منها تامر و ضمها إليه و بداء يمسد على ظهرها ، فقال بهدوء :- اهدي خلاص يا ملك ، من الاول و انا قولت ليكي أن بلاش ادهم ، ليه انا لا ما انتي عارفه اني بح. ..
دفعته ملك بعيد عنها هي تصرخ بيه :- ابعد عني انت ظهرت من اي خرابة ، ما كنت ارتحت منك و من قرفك .
خرجت من المرحاض و دفعت الباب خلفها بقوة ، من ما جعله يصدر صوت عالي بعض الشئ .
_يتبع_
مساحة إعلانية
تم اكتشاف أدوات المطور
لحماية المحتوى، يرجى إغلاق أدوات المطور للمتابعة في القراءة.
طباعة المحتوى غير مسموحة
محتوى محمي بحقوق الملكية - منصة يورانس
محتوى محمي بحقوق الملكية - منصة يورانس
التعليقات (0)
سجل دخول لتتمكن من التعليق
تسجيل الدخوللا توجد تعليقات بعد. كن أول من يعلق!