بكل تفاصيلها
جزء 3 من 3
كيف تبدو _ كيف يبدو
بعد ما الزبون المتنمر مشي ، منمون حست بالذنب انها كانت سبب في مشكله بين الزبايين وقررت انها تعتذر من الشخص اللي دافع عنها
"انا سفه جدا علي اللي حصل "
**
**
"اللي المفروض يتأسف هو الشخص اللي غلط مش انتي، عالعموم انتي ممكن تساعديني انا ، بقالي يومين بدخل المكتبه بدور علي كتاب ومش لاقيه "
منمون كانت اول مره تنظر للشخص اللي وقف في صفها ، ولاحظت كل كل حاجه فيه ، من طريقه كلامه ،لطريقه وقفته ، للبالطو الابيض اللي علي دراعه ، ازاي هو بينظر لها علي انها حد عادي واقف في مكتبه مش زي كل الناس بتشوفها .
"بتدور علي كتاب اسمه ايه ، وانا هساعدك "
"الكتاب اسمه نظريه الفسدق ، هل موجود هنا ؟"
"لا للأسف الكتاب ده مش في المكتبه ، هو من الكتب الاكثر مبيعا ف صعب تلاقيه حاليا "
**
**
"يعني مفيش اي امل اني اقرؤه قبل ما اموت "
منمون حست انها مرتاحه في الكلام وعايزه فعلا تساعده ، ف قررت تقترح تديله نفس الكتاب اللي بيدور عليه ، بس بدل من المكتبه ،هيكون من معاها .
"لا طبعا فيه أمل انك تقرأه، انت ممكن تستعير كتابي ، انا قرأته قبل كده ، ولما تخلصه في اي وقت ،ترجعه تاني، انا دايما هتلاقيني هنا في المكتبه "
الدكتور لاحظ انها مش بريئه بس هي كمان كانت زيه ، بتقرأ كتير
"عموما انا فعلا محتاجه مش هقدر اقول لا ، عشان عارف نفسي هندم بعدين ، انا دكتور كريم هتلاقيني في المستشفى اللي جنب المكتبه ، لو حبيتي ترجعي كتابك"
**
**
"اتفضل الكتاب اهو ، خد وقتك خالص ، زي ما قولت انا قرأته قبل كده ، يوم ما تخلصه هتلاقيني هنا "
"شكرا ليكي يا ... ، مقولتيش اسمك ايه "
**
**
"اسمي منمون ، وبشتغل هنا "
"منمون ؟ اسم مختلف بس لطيف "
وهنا منمون حست انه مبيمدحش بس الاسم ، او يمكن هي بتفكر كتير ...
"شكرا ليك دكتور كريم ، استمتع بالكتاب"
"هستمتع بيه أكيد ، بس بلاش دكتور يا منمون ، تقدري تقولي لي كريم بس ، احنا جيران في الشغل، وفي نفس الوقت بنقرأ نفس الكتاب"
"شكرا يا كريم ، وبتأسف لك تاني علي اللي حصل من شويه "
"انتي اللي شكرا جدا على الكتاب يا منمون ، باي ، باي "
منمون روحت اليوم ده علي وشها ابتسامة مش مفهومه ، كانت حاسه براحه ، وبشعور انها عايزه تعرف كريم اللي دافع عنها اكتر .
"منمون انتي كويسه ؟ بقالك خمس دقايق سرحانه "
محدش هيلاحظ تغيرها غير الشخص اللي عايش معاه أختها موده .
"اه انا كويسه ، كويسه اوي كمان "
**
**
"كويسه اوي ؟ وبتردي وبتضحكي ، يبقي أكيد حصل حاجه "
"هيكون حصل ايه يعني انا بس مبسوطه "
"يعني مش هتقولي لأختك الكبيره ايه اللي خلاكي مبسوطه ؟"
"لا ، مش هقول وبعدين مين قالك ان انا مبسوطه ، انا زعلانه جدا ، وتعبانه وهدخل انام "
منمون مش عارفه تسيطر على تعبيرات وجهها ، اللي خلا عند اختها موده فضول تعرف ايه اللي مخلي منمون شكلها مبسوط النهارده ، هي فاكره نفسها كده هربت من أسأله ونظرات موده ، بس الاخت الكبيره فضولها زاد وشكلها هتعرف هي بطريقتها .🫀
"
تم اكتشاف أدوات المطور
لحماية المحتوى، يرجى إغلاق أدوات المطور للمتابعة في القراءة.
طباعة المحتوى غير مسموحة
محتوى محمي بحقوق الملكية - منصة يورانس
محتوى محمي بحقوق الملكية - منصة يورانس
التعليقات (0)
سجل دخول لتتمكن من التعليق
تسجيل الدخوللا توجد تعليقات بعد. كن أول من يعلق!