بكل تفاصيلها
جزء 1 من 3
لا أبالي
"هو انتي بجد ازاي مسبتنيش أرد عليه ، ده أهانك"
كالعاده اختها موده مش بتستحمل اي كلمه وحشه عليها لانها بتأثر فيها اكتر منها
"هو مهنيش ، بالعكس أنا اشفقت عليه ، هي دي نظرته ليا وانا مش هصلحها "
مونمون عاشت عمرها كله بتشفق علي اي حد بيبصلها نظره مختلفه ، كانت دايما عندها طاقه ايجابيه ، وعمرها ما حست انها عندها حاجه مختلفه بالمعنى السلبي ، بل بإبتسامها وحبها للحياه خلاها تتعامل مع اي حاجه بتحصلها بصدر رحب
"بس برضه كان لازم اوقفه عند حده ، ده قالك مينفعش تجربي اللعبه دي عشان الاطفال ممكن يخافوا منك "
موده أختها كان يوم أجازتها وقرروا انهم اخيرا هيروحوا الملاهي سوا ، ورغم ان هما الاتنين سنهم لا يسمح بتجربه العاب الاطفال ، الا انهم هربوا من الامن عشان يجربوها ، وقبل ما يركبوا اللعبه أب بيركب إبنه اللعبه قال لأختها مونمون كده .
"عادي انا كده كده جربت كل الالعاب ، اكيد واحده زي عندها22سنه مش هتركب مع اطفال"
مونمون ردت علي اختها الكبيره زي كل مره بيحصل فيها اي موقف من النوع ده ، وعشان تنهي النقاش دخلت اوضتها عشان تنام ، بعد يوم مرهق في الملاهي
..بعد ما صحيت مونمون،لبست عشان تروح شغلها، مكنتش بتعتبره شغل اوي ، ولكن كانت بتسسلي وهي بتبيع كتب في المكتبه ، وفي نفس الوقت بتقعد تقرأها لو مفيش زبايين
"اتفضل ، اقدر اساعدك بإيه ؟"
"ازاي وقفوا حد زيك في مكتبه ، علي الاقل يجيبوا حد بيفهم ، مش مريض "
وده كلام عادي بالنسبه لمونمون انها تسمعه كل يوم ،هي عمرها ما انكرت انها عندها متلازمه لكنها مش مريضه، بس مكنش كلام معتاد لزبون تاني .
"بعد اذنك، هي سألتك تساعدك بإيه ، محدش طلب رأيك في شخصيتها "
ودي تقريبا كانت اول مره مونمون تلاحظ ان حد دافع عنها غير اختها موده ، اللي كانت مبتعملش حاجه غير انها ترد عشانها .
**
**
تم اكتشاف أدوات المطور
لحماية المحتوى، يرجى إغلاق أدوات المطور للمتابعة في القراءة.
طباعة المحتوى غير مسموحة
محتوى محمي بحقوق الملكية - منصة يورانس
محتوى محمي بحقوق الملكية - منصة يورانس
التعليقات (0)
سجل دخول لتتمكن من التعليق
تسجيل الدخوللا توجد تعليقات بعد. كن أول من يعلق!