لآلئ في الجحيم
جزء 3 من 3
الفصل الثاني/دمعة حارقة/
صلوا على الحبيب المصطفى صلي الله عليه وسلم
_____________________________________________________
في الصباح يصيب شعاع الشمس غرفة تلك الفتاة المتمردة صاحبة الوحده القاتلة تتمرن علي ضرب ذاك الكيس بغضب
"سيدرا ..بحبك " ...... "سيدرا انتي اختي"....... "سيدرا انتِ ملكي ".......سيدرا انتي صحبتي الوحيدة .........سيدرا حاسبي ..........انا بكرهك"
ضربة اخيرة جعلت قلبها ينبض بعنف وهواء رئتيها كالرياح الهوجاء وكلمة انهت ذلك الصراع
"كفاية........."
تفيق علي طرق باب غرفتها لتدخل العاملة بحذر ومازالت سيدرا تعطي ظهرها لها
العاملة : سيدرا هانم في ضيف عايزك تحت
سيدرا بهدوء :مين
العاملة:مرضيش يقول هو مين
سيدرا :تمام انا نازلة
تذهب الي المرحاض الداخلي بغرفتها تستحم وترتدي ملابسها الحاليه جلباب طويل وحجاب فوق رأسها يغطي جسدها ...... تعرف من ينتظرها لا فائدة منه يصر علي اغضابها بعد ذلك الحادث لا داعي لذكره الآن توقفت حياتها الاجتماعية
سيدرا :اي ال جابك
كاظم :جاي عشانك
سيدرا :اطلع بره
كاظم :مش طالع انتي ناسيه انك ملكي
ليكمل بهمس لم تسمع :وملاكي والكاف ذال
سيدرا بسخريه:لا خلاص مش خالتي وخالتك واتفرقوا الخالات
كاظم : عمرهم ماهيتفرقوا يا سيدرا
سيدرا:لازم تتطرد كل مره ........طلعوا بره
امسكه الحراس من ذراعيه كالمخبرين لتتركه وتلتفت وهي تحاول الا تبكي
كاظم بملل : فاكره شويه ضرف الدولاب هيبعدوني عنك ....انا مستبعدش اني في أحلامك
سيدرا بسماجه:انت مش في حياتي اصلا.......سلام يا قيصر
ذلك اللقب الذي كانت تناديه به لتسخر منه ثم تصعد لغرفتها تضحك بخفوت علي ذلك اللقب الذي كان يمقته وهو يناظرها بغيظ
كاظم بغيظ:ياله يا رجاله خدوني من هنا انا غلطان اني جيت للمجنونه دي
مديحه :اي ده.... انت هنا
كاظم بهمس :ابصم بالعشرة اليوم اتقفل ......اهلا يا مدام
مديحه باستهزاء:لسه بتضيع وقتك معها
كاظم : تستاهل وقتي كله وبعدين مش عملتي ال في دماغك انا بقي هرجعها بدماغي وهتحضري فرحنا كمان
مديحه بفحيح افعي: كان فاضل تكه بس واكسرها وخليها تكرهك وتكره نفسها
كاظم بشعور غضب يجعله يمزقها تلك المختلة التي تسعي لتدمير ابنتها
كاظم بغضب مكتوم : مش هتكون غير ليا بوعد راجل مفيش في حياته غيرها
مديحه باستهزاء: علي العموم هتتجوز غيرك وهشرف علي ده بنفسي ....خدوه بره بسرعه الكائن ده
لينفض يداه بغضب عنهم ويخرج برأس مرفوع لايحتاج لأوامر... تلك المرأة تجعل دماءه تفور
في غرفة تلك الجميلة الحزينه تبكي بقلب منفطر علي تلك الذكريات الحزينه وهي تتذكر
Flash back
سهير : خدي بقي الكأس ده هيعلي مزاجك
سيدرا بسكر :كفايه كده انا عايزه اروح
سهير :ليه لسه بدي يا دودو ده الحفله في اولها
سيدرا بضحك:لا كاظم لو عرف اني هنا هيقلبها نكد عليا
سهير :متقليقش مش هيعرف حاجه خليكي بقي معايا please مش عايزه اكون لوحدي........تجي نرقص شويه
سيدرا شبه واعيه :لا روحي انتي ...انا هكمل ال shot ده وهروح
سهير بخبث:طب تعالي اوصلك
تمسك بها سهير تحاول مساندتها لتصل اخير للسيارة وتقول بهدوء يسبقه العاصفه لتصل لها رسالة تحتوي "كله جاهز .....هي معاكي "
لترد عليه بكل خبث دفين "اه معايا "
لتصل لمنزل بمكان هادئ وتحمل سيدرا الي ذلك المكان لتحكم عليها بإعدام روحها
سيدرا بقليل من الوعي :احنا فين
سهير : احنا في مكان ...هيجرك لنهايتك
لتدفعها داخل ذلك المنزل وتغلق الباب لتلفت سيدرا للباب المغلق بغضب
سيدرا :سهير افتحي الباب ده مش هزار
لتسمع صوت خلف يضحك بجنون وعدم وعي ليقترب منها وتنظر بصدمه
سيدرا :كاظم ....اي ال جابك هنا
كاظم :سيدرا ....حبيبتي
يحاول احتضنها بهمس ويده تنحرف نحو ملابسها لتبعده بصدمه
"كاظم انت اتجننت "
"سيدرا وحشتني اوووي "
تراقب ما يخرج منه فمه بصدمه ذلك ليس كاظم وهو كان يخجل ان يقول لها "احبك" الآن يحاول الاعتداء عليها تحاول أن تفلت من يده وتسرع للهرب فالوقت ليس بصالحها حالته تسوء لكن هل امسك شعرها للتو بغضب ليقودها نحو ذلك السرير المتهالك
سيدرا بخوف:كاظم ابعد حالا
كاظم بتخدر:سيدرا انتي ملكي ..... سيدرا بحبك
يحاول خنقها وهي تترجاه ان يتركها لتجد مزهريه قريبه وتحاول ان تقترب بيدها وهو بياشر بإزالة ملابسها تقترب وخوفها البشري يصر بها علي الاصرار للنجاة مجرد اقترابه الحميمي منها صدمت رأسه بالمزهريه فاقد الوعي لتنفجر ببكاءحتي هدأت أنفاسها لتصمت ببرود غير قادرة علي النهوض وكأنها كانت في حرب انهت طاقتها وفاقد الوعي هذا يلامس رأسها لتزيحه بغضب دفين تحاول النهوض لتقع بضعف علي الارض الباردة وتنفجر في بكاء اخر بألم ليس بجسدي شعور انشطار قلبها تحاول كتمان صرختها لتنفجر في بكاء أشد من سابقه وتخرج ملابسها ممزقه تحاول ستر جسدها لتجد صديقتها تناظر بصمت خبيث
سيدرا ببرود : يا حية هندمك علي عملتك دي
سهير :اي معجبتكيش المفاجأة ..... ده انا حتي طيبه ومرضيتش اخليه راجل غريب وخليته حبيب القلب عشان استسلامك يكون أسهل
سيدرا : ليه عملتي كده
سهير :انا ده انتي اختي يا سيدرا وصحبتي الوحيدة ال خطط لكل ده ....مفاجأة "مامتك "
سيدرا بصدمه: انتي كادبه.....ماما مستحيل تعمل كده
سهير بسخريه :بجد امال مين ال بعت الرساله دي و ده مش ده رقم مامتك برضو
لتريها الهاتف وتري رقم والدتها علي الشاشه وتنظر سيدرا لها بغضب وفجأه تمسك شعرها وتحاول ضربها بكل غل وغضب بداخلها وسهير تحاول ابعدها وكل هذا علي طريق في مكان لا يمر فيه المارة إلا قليل ففكرة المنزل القديم ذلك حتي لا يحاول احد مساعدتها ومازالت سيدرا تمسك شعرها بغضب تسبها بجميع السبات التي تعرفها.
في لحظه تدفعها سهير وقدراً سيارة قادمه تصدمها لتقع سيدرا علي الارض فاقدة الوعي وكل هذا امام سهير المصدومة وصاحب السيارة يفر هاربا بذعر أصابت سهير بذعر جعلها لاذت بالفرار تاركة صديقتها فاقدة الوعي .
______________________________________________________
في مشهد من اقوي المشاهد المؤثرة في قسم الأمراض النفسيه احد حالات الهياج العصبي لمريض إدمان تتابع حالته تلك الفتاة اليافعة في السنه السابعة من الامتياز مع زملائها يتدربون أيضا علي رأسهم الاخصائي النفسي المسؤل عن تدريبهم
الاخصائي المسؤول : لؤة ...قوليلي ازاي نتعامل دلوقتي مع مريض في حالة هياج عصبي .... هتتعاملي مع الحالة ازاي
لؤة باستعداد : تمام يا دكتور
لتدخل لؤة الغرفة ومع الاخصائي وطاقم تمريض يقفون علي مقربة عند الحاجه يستعدون بإبرة مهدئة ولكن كل هذا تراجع لؤة في عقلها بروتوكولات الأمان تقترب بحذر تراجع في عقلها ما تعلمته
الاول "البروتوكول الامان الشخصي"
"مسافة ذراعين من المريض .......طريق الخروج قريب من الباب ......مفيش اي أدوات للايذاء قريبه من المريض "
الثاني "التهدئة الكلاميه "
المريض بغضب :طلعوني من هنا
لؤة بهدوء:ممكن تهدي شويه ......الصوت العالي مش هينفعك
المريض بصراخ :انتي مجنونه بقولكم خرجوني من هنا ........انا مش ههدا انا هكسر المكان ده علي دماغكم
لؤة بحزم :هتخرج بس لازم تتعالج لازم تتعالج عشان تكون احسن انا عايزه اساعدك
المريض يهياج :مش عايز مساعدة من حد مش محتاج مساعدة ....خرجوني من هنا بقولكم
لؤة بهدوء :مش هو ده الحل لازم تتعالج
المريض بغضب:انا مش مريض عشان اتعالج
لؤة :طب وبعد الإدمان.......الإدمان طريق نهايته هتموتك احنا خايفين عليك
المريض :خايفين عليا محدش محتاجني اصلا اتعالج عشان مين مفيش حد عشان اتعالج يمكن زي ما بتقولي الادمان ....الإدمان هو الطريق الوحيد ال بيحتوني
لؤة :اتعالج عشان تكون احسن
المريض ببكاء :مش محتاج اكون احسن انا مبسوط اني كده
لؤة :غلطان... الإدمان هيموتك بالبطيئ هيمنعك انك تستمتع بكل لحظه حلوه في الحياة هيخليك تعفن وتنطفي في الوحدة اتعالج عشان نفسك عشان تكون احسن انا بقولك الكلام ده عشان عايزينك تبقي احسن انت اقوي من مجرد نشوة للحظة قصيرة .....اتعالج عشان تكون كويس
المريض ببكاء:اتعالج.... طب وبعد ما اتعالج مفيش فايدة
لؤة :لا فيه انا معاك وهساعدك كلنا هنا عشان نكون معاك انا هسمعك وقول كل ال عايز تقوله
المريض : عايزه اتخلص من الألم ال قلبي ده يمكن وحدتي هيا كانت السبب أتوجه للادمان بس ده كان حلي الوحيد
لؤة :لا مش ده الحل فيه كتير لسه قدامك من حقك تعيش متموتش نفسك لسه اكيد في ناس عايزك تكون معاها و هيزعلوا لما يشوفوك بتأذي نفسك
لتبدأ لؤة بدعمه بالكلمات وهو شعر بإطمئنان ليبدأ بالتحدث وهي تقيم درجة الانتحار لاكتشاف انه يعاني من ميول انتحارية لتبدأ بدعمه بالكلمات حتي يشعر بالأمان النفسي تعطيه بعض التشجيع ان الإدمان لسه الهروب الوحيد من الحياه بل هو نهاية الحياة
تنتهي فقرة استماع المريض وهي تكتب كل هذا في ملاحظتها بعد الانتهاء من استماعه وهي تدرس حالته بعمق لتذهب بعدها للطبيب المسؤول عن تدريبها تناقش مع حالة المريض ويسألها في كل كلمة كانت تقولها للمريض وهي ترد بهدوء
لؤة : لازم اتعامل مع المريض بهدوء وحزم في نفس الوقت معليش صوتي لان حالته هتسوء وادعمه نفسيا
الطبيب : متنسيش اني لو ده منفعش لازم .......
لؤة : اكيد عارفه يا دكتور ان المريض لو مستجبش نتدخل بالمهدئات لو في حالة العنف او عدم الاستجابه الكلاميه
الطبيب بتشجيع: برافو عليكي يا دكتورة اتمني ليكي التوفيق في قسم الطب النفسي
لؤة :شكرا ليكي يا دكتور ده تعليمك لينا..................بعد اذنك
الدكتور:اتفضلي
بعد عمل طويل دام في المشفي بسبب دورتها التدريبية انها السنه السابعة اخر سنه في كليتها عليها الاجتهاد لتلتحق بقسم أحلامها قسم الطب النفسي
في الليل بعد ان عادت لؤة هاهي تجلس وهي تدرس بكل شغف .....مرة واحدة يفتح الباب ويدخل عليها والدها
لؤة :في اي يا بابا
حسام :انتي مين يا بنتي
لؤة بصدمه :انا مين .......يالهوي
____________________________________________________
تمت نهايه الفصل يا اعزاء الي لقاء في فصل اخر الاسبوع القادم إن شاءالله
مع الكاتبه(نورهان )
اقتباس من كتاباتي :
حب نفسك تستاهل انك تحبها ممكن تقع لكن قوم أقف تاني هتقع وتقوم وتقع هو حد اتعلم المشي من اول مره وبقولها تاني "لا تنتظر ان يحبك احد وانت لاتحب نفسك"
" سلام 👋"
مساحة إعلانية
تم اكتشاف أدوات المطور
لحماية المحتوى، يرجى إغلاق أدوات المطور للمتابعة في القراءة.
طباعة المحتوى غير مسموحة
محتوى محمي بحقوق الملكية - منصة يورانس
محتوى محمي بحقوق الملكية - منصة يورانس
التعليقات (0)
سجل دخول لتتمكن من التعليق
تسجيل الدخوللا توجد تعليقات بعد. كن أول من يعلق!