لآلئ في الجحيم
جزء 2 من 3
الفصل الأول/توبة عاصي /
صلوا على الحبيب المصطفى صل الله عليه وسلم🌝
_____________________________________
لا أصدق هل هذه من وثقت بها أصدق كل ما تقوله .......
أعجز عن تخطي الصدمه لا اتخيل ان قلبي دُعس من قبل
شخص اصدقه اثق به لا اناقش كلمته ظنا اني اشك به
في الغرفه ذات الإضاءة الخافته تجلس تلك الشابه وهي تفكر عقلها يدور مثل الطاحونه ليرد عقلها بكلمه واحدة
"لماذا ..........هل أخطأت انا لثقتي بك .......
هل لا يساوي خاطري وحزني شيء بالنسبة لكِ"
اغلقت مذكراتي وانا لا أجد إجابه لتلك الأسئلة نظرت الي المرآة اطالع نفسي بهدوء وتأمل قطع شرود طرقات الباب فأجيب ليدخل اخي يطالعني باستهزاء
أكرم :اي هتفضلي حابسه نفسك هنا
سيدرا :ليه بتسأل
أكرم: امك شايفه انك توافقي علي العريس ده ولا كمان هتفضحينا زي المره ال فاتت وهتقعدي تعيطي زي الهبله ......الراجل افتكر اننا بنعذبك وغصبينك تقعدي معاه
سيدرا بهدوء: هي دي الحقيقة انا كنت مغصوبه اقعد معاه فضلت تضغط عليا انت وماما لحد ما عيطت قدامه ومقدرتش اسيطر علي دموعي
"انتي هتفضل قاعده لينا كده زي البيت الوقف مش كفايه
لقينا حد يقبل بيكي بعد كل ال انتي عملتيه "
جاءت تلك الكلمات من فم الشيطانه "والدتها "نعم انها تلك الام التي لا تقرب للامومه شيئا تعايرها بكلمات مر عليها زمن تلفت سيدرا إليها وهي تعض لسانها بغيظ من تلك الام
سيدرا :انا غلطت لكن انا اتغيرت وربنا شاهد علي توبتي وخرجت من جحيمك
مديحه بشر : بقيتي تعرفي ربنا بعد السكر والبارات ال كنتي بتروحيها ولبسك العريان فاكره انه هيسامحك بعد كل ده بعد كل ال عملتيه فاكره انه هيغفرلك انتي متستحقيش انتي عاصيه وهتفضلي عاصيه
سيدرا بصراخ:بس كفايه بقي انتي مين عشان تحكمي عليا ربنا غفور رحيم
مديحه بسخريه: غفور رحيم بقي بعد كل ده واثقه انه هيغفرلك يا جبروتك مش هيسامحك انتي متستحقيش انتي عاصيه وتفضلي عاصيه
سيدرا : اه هيغفرلي لاني واثقه فيه هيغفرلي لاني مليش غيره هيسامحني لاني عارفه اني غلطانه وبترجاه كل وقت انه يسامحني
لتردد كلمات الله تعالى ﴿قُلْ يَاعِبَادِيَ الَّذِينَ أَسْرَفُوا عَلَى أَنْفُسِهِمْ لَا تَقْنَطُوا مِنْ رَحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ﴾ [الزمر:53]
الجمت تلك الحيه لتتوقف عن نثر سمومها في اذنها تطلعها بغضب لشعورها انها لم تعرف كيف تسيطر هذه المره علي عقل ابنتها لتخرج سريعا والابن خلفها كالظل
_______________________________________________________
تخرج تلك الفتاه من الجامعه تنتظر المواصلات العامه كجميع حال الشعب في شمس حارقه في اكثر الفصول حرارة الصيف ذلك الفصل الذي يعتبر عدو جميع الفتيات من غيره يدمر البشره يعطيها اسمرار فتصيب الفتيات الحسرة من جميع منتجات العناية بالبشرة
لؤة : يا مسهل الحال يا رب
لتأتي اخيراً السيارات لتركب بصعوبه من الزحام في الطريق تحاول التخلص من حرارة الصيف وهي تدعو الله "اللهم أجرنا من النار " تصل البيت بأمن تنادي علي والدها
لؤة :حجوج انت فين
حسام : تعالي يا لؤلؤ انا في المطبخ
لؤة :مائة مره يا حج لؤة ......لؤة ..لؤة
حسام : لؤلؤ عشان امك تعاندني اووي بقي الوليه اقولها نسميها لآلئ تقولي فاكرها صَدفه
لؤة :طب مال اهلي انا بالمشاكل اللغويه بتاعتكم دي
حسام :هي امك فين دلوقتي
لؤة بحزن :اعمل انت بس الغدا لحد ما تيجي وتلاقيها جايه دلوقتي
حسام :طيب انا هكمل تعالي ساعديني
لؤة :ماشي يا بابا
تبدأ بتقطيع الخضار وهب تنظر لوالدها بحزن شديد فقد ماتت والدتها منذ خمس سنوات لينسي تلك الذكري الأليمة ليصبح مريض الزهايمر بعد عدة اختبارات أجرتها ابنته بخبرتها في الطب النفسي
حسام : خلصتي يا لؤلؤ
لتفق من شرودها:اه خلصت في ملح عندك
حسام :لا خلص هجيبي من عند ام لؤي جارتنا
ليذهب وهو يفكر اين زوجته الان ليطرق باب جارته في سن الستين لتفتح الباب وهي تطالعه بهيام
ام لؤي : أؤمر يا ابو لؤة
حسام بذوق:الأمر لله يا ام لؤي استسمحك لو مفيهاش غلاسه محتاجين حبة ملح من عندك
ام لؤي:كيس الملح كله ميغلاش عليك يا ابو لؤة
حسام :الله يخليك يا ام لؤي
ام لؤي : اتفضل يا ابو لؤة عقبال الفرح
حسام بنسيان:فرح مين يا ام لؤي
ام لؤي:فرحك يا ابن الأصول
حسام بضحك :الله يحفظك يا ام لؤي انا هتجوز تاني بس الواحد خلاص داخل علي الخمسين سنه دلوقتي
ام لؤي:العمر الطويل ليك يا اخويا
حسام بضحك:يا وليه انتي مش هتبطلي لؤم
ام لؤي :هو الحلال لؤم اتكل انت بس علي الله
حسام :يا وليه يا عجوزه اتجوز اروح فين بس ده انا مستني مراتي ترجع دلوقتي لو شافتنا هتطين عشيتنا
ام لؤي بحزن :ان شاءالله ترجع بالسلامة يا اخويا
حسام:فوتك بعافيه
ام لؤي :الله يعافيك
_________________________________
في نهايه الفصل الي لقاءفي فصل اخر مع الكاتبه( نورهان ❤ )
مساحة إعلانية
تم اكتشاف أدوات المطور
لحماية المحتوى، يرجى إغلاق أدوات المطور للمتابعة في القراءة.
طباعة المحتوى غير مسموحة
محتوى محمي بحقوق الملكية - منصة يورانس
محتوى محمي بحقوق الملكية - منصة يورانس
التعليقات (0)
سجل دخول لتتمكن من التعليق
تسجيل الدخوللا توجد تعليقات بعد. كن أول من يعلق!